म महापुरुष जन्माउँछु ।

म महापुरुष जन्माउँछु ।

बुबा, दाई,भाईहरु
रक्षक मानिन्छन घरमा
बलवान ठानिन्छन समाजमा
पहरेदार गनिन्छन देशमा,
मन, बचन, धर्म कर्मले
पुजिन्छे चेली
बुिझन्छे छनक,
जुझिन्छन आँखाहरु
फुल्छन माया प्रेम
सजिन्छन सुन्दर बस्तीहरु,
कलियूगले ध्वस्त बनाएछ
नवयुगका पहरेहरुलाई
बोल्दा लाजमान्ने,
निरिह चेलीहरु माथी
व्वासा खनिएझै खनिदैँछन
कुमारित्व लुत्न
अस्मिता च्यात्न,
आफ्नै छोरी चेली माथी
जाई लागेका छन
आफ्नो भन्नेहरु
आफ्नै मान्ने गन्नेहरु
पबित्र यो नातालाई
पत्र पत्र च्यातेर
भुईभरी धुलोसँग मिलाउँदै
माटिरहेछन, हाँसीरहेछन
ठूलो बिजयी गरे भन्दै
तिम्रो त्यो खुसीको उफ्राईले
आज भुकम्प गएझै
हल्लिएका छन नारीका आत्महरु
कुमारी बैस,
आशामा बाचेका आमाहरु,
सक्छौ भने आऊँ
चौबाटोमै नाङगो बनाई
एक एक अङगहरु
दुनियालाई देखाईदेऊ
खोल निकाल फुकाल
सबैको माझ,
नपर्खि साँझ
एक छिन पनि चित्कार नगरी
हेरिरहने छु तिम्रो रामलिला
खुसी बनेर तिम्रो बहादुरिताको
हृदय देखि सलाम गर्ने छु
किनकी तिमीले मेरो,
सार्बजनिक रुपमा
बलात्कार गरेका हुनेछौ,
बाटोका कुइनेटाहरुमा
भेटिएका चेलीहरुलाई होइन,
घरमा छुरा देखउँदै
अन्धकार रातहरुमा
सातो लगेर, तातो खन्याउँने
हाड नाता बिगार्दै
लोभ लालच देखाँउदै
निप्सेरोमा जाई लाग्नेहरु हो
आउ उज्यालो संसारमा आऊ
दोबाटो चौबाटोमा आऊ
म जस्ती बयस्क नारिलाई
चौबाटोमै बलात्कार गर
म तिमीलाई महाँपुरुष दिन्छु
त्यो सन्तान तिमी जस्तो
यौन पिपासु हैन,
चोर छलि, बदमास
भ्रस्टचारी हैन,
दलाल, माग्ने , नाग्ने हैन
जसले तिमी जस्तो
यौन पिपासु रोगीलाई
उपचार गर्नेछ
चोर, भ्रस्टचारी,दलाल
छक्का पञ्ज गर्नेलाई
कारबाहि गर्नेछ,
देश बिगार्ने, देश बेच्नेलाई
साजाय दिने छ,
कारबाही हुनेछन दोषीहरु
सम्मान हुनेछन सन्त
खुशीले देखिनेछ दन्त
भोकाले खान पाउनेछन
रो’काले हाँस्न पाउनेछन
सबै स्कुल धाउने छन
भत्किएको घर छाउनेछन
नाङगाले कपडा लाउनेछन
फूलनै फूल फुल्नेछ देश भरी
सदाचारको बास्नाले
टकटकाउनेछन बिष
मगमगाउनेछ अमृत
अनि आदर्श नेपाल बन्ने छ
त्यसैले आऊँ महापुरुष भनौदाहरु हो
सार्बजनिक बलात्कार गर
म महापुरुष जन्माउँछु l
धन्यबाद ।।
धनु लेकाली
भकिम्ली एक, म्याग्दी
हालःत्रि.वि. कीर्तिपुर, काठमाण्डौ नेपाल l
email :dhanulekali@gmail.com